ചില മനുഷ്യര്‍ അസാധാരണ വൈകാരിക തീവ്രതയുള്ളവരാണ് അവരുടെ മനസ്സും വഴികളും വിചിത്രമായ രീതിയിലാകാം പ്രവര്‍ത്തിക്കുന്നതെന്ന് തോന്നുന്നു.ചെറിയ ഒരുകാറ്റിനു പോലും പ്രകമ്പനം കൊള്ളിക്കാന്‍ പറ്റുന്ന തരളമനസ്സുള്ളവര്‍.നിസ്സാര സംഭവങ്ങള്‍ പോലും അവരെ വികാരവിക്ഷോഭത്തിലേക്ക് നയിക്കും.
ഒരു പക്ഷെ സ്നേഹത്തിന് വേണ്ടി ഓടി നടക്കുകയും,ലഭിക്കാതെ വരുമ്പോള്‍ സ്വയം പ്രതികാരം ചെയ്യുകയും ചെയ്തേക്കാം അല്ലെ?എന്തായാലും ജീവിതത്തോട് ഇകൂട്ടര്‍ക്ക് വല്ലാത്ത ഒരു അടുപ്പം ഉണ്ട് അത് തീര്‍ച്ച.അടുപ്പമുള്ളവര്‍ക്ക് പോലും കണ്ടു പിടിക്കാന്‍ സാധിക്കാത്ത ഒട്ടേറെ താളുകള്‍ ഇവരുടെ ജീവിത പുസ്തകത്തില്‍ കണ്ടെത്താന്‍ കഴിഞ്ഞേക്കാം.
സ്വപ്നങ്ങളും അവയുടെ വര്‍ണശബളങ്ങേളയും കുറിച്ചും,സ്നേഹത്തേയും പിന്നെ ദിവ്യമായ പ്രണയത്തെകുറിച്ചൊക്കെയും,അതിലുപരി കിട്ടാതെപോയ വാല്‍സല്യത്തെ കുറിച്ചും അമ്മയെ കാണാതെ അച്ഛനെ തേടി അലയുകയും ചെയ്യുന്നതിനെ കുറിച്ചൊക്കെയും ഇവര്‍ക്ക് ഒരുപാട് പറയാന്‍ ഉണ്ടായിരിക്കും.
No comments:
Post a Comment