കാണുവാന്‍ മനസ്സിന്‍റെ വെമ്പല്‍
ചിരിയുടെ നിഷ്ക്കളങ്കത ചരിതങ്ങളില്‍
കണ്‍കോണുകളില്‍ വസന്തകാലം
മനസ്സ് അറിയാതെ മണിമുഴക്കി.
ഡിസംബറിന്‍റെ തണുപ്പില്‍
മനസ്സുതുറക്കലിന്‍റെ കണ്ണുനീര്‍
മിണ്ടാട്ടത്തിന്‍റെ വേനല്‍
പ്രതീക്ഷയുടെ മഴക്കാലം.
ഇഷ്ടം നിശബ്ദതയില്‍ കൊഴിയും കാലം
വിരഹത്തിന് മുമ്പിലെ കണ്ടുമുട്ടലുകള്‍
മനസ്സിന്‍റെ നിലയ്ക്കാത്ത വിചാരണ
വഴിവിട്ട വിരഹകാലം.
ഓര്‍മ്മകളുടെ ചേക്കേറലില്‍
മനസ്സിന്‍റെ സ്വയംവരം
വാദ്യവും വായ്ത്താരിയും
സ്വപ്നമണ്ഡപത്തില്‍
വധുവിന്‍റെ വരണമാല്യത്തിന്
മുമ്പില്‍ മോഹങ്ങളുമായി
വരന്‍റെ ശിരസ്സ്‌.
സ്വയംവരം! നിലാവും തെന്നലും
സാക്ഷികള്‍.അതെ,വരനായ്....
No comments:
Post a Comment